KASTOMÄ

www.kastoma.com

2008-12-04T11:11:00.003Z

ESTAMOS CHEGANDO...

2008-10-18T10:04:00.001Z

www.myspace.com/kastoma

Ver máis en Myspace:

2008-09-05T19:43:00.004Z

MYSPACE

http://www.myspace.com/kastoma

Rematamos a gravación.

2008-08-29T15:59:00.002Z

Pois iso, xa temos todo gravado e só falta botarlle un pouco de sal e metelo no forno para sacar as copias en breve.
Polo estudio xa pasaron moitos e bos músicos e/ou cantantes (no bo sentido da palabra) da zona que nos botaron unha man colaborando no disco. Así uns fixeron coros, outros tocaron guitarra, outro teclado e outras tocaron trompeta. Entre todos eles permiten darlle a frescura que lle facía falla ó disco.
Son 10 temas e o dito, canto antes, estará nas bosas orellas que nós temos moitas ganas de tocar e xa estamos cerrando datas para presentalo a partir de outubro 2008.
Saudos.

A PACO CERDEIRA

2008-07-02T17:49:00.004Z

Saudos e agradecementos a Paco Cerdeira (Estudios Sons Davila en Sar – Santiago) por atendernos tan ben no seu local e sobre todo por ese esforzo extra que só son capaces de brindarche as persoas de bo corazón xa que se entregou con todo o seu empeño durante as referencias que alí grabamos.

Outros factores alleos á sua persoa fixeron que aparcásemos a grabación para continuala próximamente noutros lares e só lle pedimos ó destino que nos trate igual de ben que o fixo o Sr. PACO. Un Abrazo.

Presentación do disco mes de outubro 2008. Data e lugar por confirmar.

ARRIBA OSCARÍN!!!

2008-03-28T07:43:00.005Z

Ala imos, Oscar rematou a Corentena e agora si que si. Porque temos ganas de empezar a grabar dunha vez por todas e ímonos enclaustrar ata que pairamos o noso primeiro disco para poder lanzalo ó espazo exterior. A xestación será longa pero nada de abortos, ao feito peito. Así pois retomamos a grabación no mes de abril e despois comenzaremos a buscar concertos para a presentación do que será o primeiro lonplei de kastomä. Saudos a tod@s e benvidas ó comandante Oscarín.

KASTOMÄ, ESTA RONDA PAJO EU...

2007-08-27T13:58:00.000Z

PROXIMAMENTE:

Fotos por Álvaro Liste e Miguel de Merelle.
Tema: Betadine pertencente á 2ª maqueta
"mestres de pesadelos" (2005)

Video feito por Alvaro Liste no local de ensaio de Kastomä:

Tema Kastomä pertencente
á 1ª maqueta do grupo: " tomámoslle outra...?" (2002)

"...kastomä, esta ronda pajo eu,
kastomä, esta ronda pajo eu
kastomä, esta ronda pajo eu
para que vos bebades
para que vos saltedes..."

KASTOMÄ HIBERNA ATA O CHAMPIÑÓN

GRAZAS A TODOS/AS QUE NOS APOIASTEDES NOS CONCERTOS.

VOLTAREMOS PRÓXIMAMENTE CON MOITAS SORPRESAS.

P.D.:

De momento podedes conseguir o voso CD: "Mestre de Pesadelos" nos seguintes puntos de venda:

Falcatruada
www.trastenda.com/ga/web/tienda.php?ide=1120

-En Ordes: Na gasolinera de Leira, Pub Badulake, Pub Nunka Máis, Bar Traspásase, Bar Arcos, Bar Orellas, Artesáns, Casas Faya na Rua de Concheiro, Couselo muebles no cruce.

-En Carral: Taberna Lume e Ferro

-En Compostela: Discos Gong( Prza. Galicia), El Humanoide Del Traje Verde (Algalia de Arriba).

PREZO ÚNICO: 6 OUROS.

BRINCADEIRA `07

2007-07-30T10:12:00.000Z

Mestre de Pesadelos

2007-07-23T07:54:00.001Z

Este é o auténtico mestre de pesadelos pertencente á dinastía Tong: (VER VIDEO)
http://www.anosaterra.org/index.php?p=nova&&id_nova=4923

Comunicado á RevoltosaRock´07

2007-07-19T11:17:00.000Z

Esceario da RevoltosaRock ´07Vocalista de Def Con Dos co vocalista de Kastomä en Mondoñedo, cacho "bocazas".

Pinchade para ver o comunicado da RevoltosaRock e do Concurso Nsaio da Xunta de Galicia

Cultura de Ordes por "EL PAIS"

2007-07-13T15:36:00.000Z

pincha aqui

BLUS DE SANTA CRUS

2007-07-02T12:06:00.000Z

INTRO: "Son de Sijueiro, son do Balado,
do Vidueiro ou da Curva do Cano,
teño unha"moza" en Gindibón
nadie no Mundo vive mellor"

É O BLUS DE STA. CRUS,
REVOLTOSA
BLUS DE STA CRUS,
SANTA REVOLTOSA

Vou baixando a costa do Rio Cabrón
coa petrina aberta do meu pantalón.
Xa estarán acesas as luces de neón
San Pedro na porta dime: "Neno, tí aquí NON"

Este non é sitio para folloneros
debias de estar no campo de Nivelos,
disque hai un concerto de Rocanrol
e aquí só vendemos Sexo pero pa ti NON, pa ti NON, pa ti NON

É O BLUS DE STA. CRUS
REVOLTOSA

¿Vés aquela pista? Lévate a Pereira,
terás que toma-la segunda á dereita.
Son pistas de terra donde eu me estrenei
no asento datrás dun coche Dyane 6

Dalle jás a fondo, ata a fin do mango
a tal hora xa estarías metido no buraco,
no medio do monte, en GINDIBÓN
soan as guitarras, ¡¡Revoltosa, Revoltosa, Revoltosa, Revoltosa rock!!

É O BLUS DE STA. CRUS,
REVOLTOSA
BLUS DE STA CRUS,
SANTA REVOLTOSA.

(letra: sitokastomä)
p.d.: necesito comentarios.

Concertos mes Xullo 2007

2007-06-25T10:35:00.002Z

Voltaremos en Xullo para tocar en:
-20 Xullo Revoltosa Rock ver info en www.revoltosarock.com

-20 Xullo Nsaio no Camiño. Concerto en Mondoñedo con Blak jack, Pico de Picasso e
DEF CON DOS. Ver info en www.nsaio.net

-27 Xullo Muiño do Pedroso-Narón-Festival da Terra e da Lingua +info en www.artabria.net

FEIRA DE SONS 25 maio 2007

2007-05-22T07:40:00.000Z

Vente con nós a Sta. COMBA o SABADO 19.

2007-05-14T17:18:00.000Z

Xa temos coche de liña a Santa Comba. Apúntate no Bar Traspásase e vente con nós ata alí.
Saida ás 19:30h regreso 6:00h da mesma noite.
Prezos populares. Bus de 36 Prazas.

KASTOMAIO

2007-05-04T10:50:00.000Z

PRESENTÁMOLOS CONCERTOS PARA O MES DE MAIO:

ENTREVISTA KASTOMÄ EN SONO-TONE

2007-05-03T16:27:00.000Z

pincha aqui para ver entrevista:
http://www.sono-tone.net//index.php?option=com_content&task=view&id=341&Itemid=0

HAI VODA EN KASTOMA

2007-04-24T14:39:00.000Z

FOTO , NA DESPEDIDA EN OURENSE.
Voltaremos para maio con máis concertos.
11 maio en Ordes (O NuncaMáis)
12 maio en Compostela (festival)
18 maio por determinar
25 maio en Ordes (festival)

KASTOMA CONCERTO MARZO

2007-02-10T11:45:00.000Z

EN MARZO 2007 IMOS A TOCAR EN:

-2 MARZO...PUB KILÉ-Ordes ... Hora23:00h
-8 MARZO...SALA NASA (Compostela) con Os Gin Tonics e O Chícharo Psicótico Hora 22:00h
-23 MARZO...1º FESTIVAL DE XANCEDA "CAMIÑO INGLÉS" Pza. Concello Hora:22:30h
-31 MARZO...Asociación Cultural ARTABRIA. (Esteiro-Ferrol) Hora:23:00h

XORNAL EL PAIS

2007-01-16T09:57:00.000Z

REPORTAJE LUCES SON GALEGO

Os emerxentes bouran alto

As bandas medran en tódalas bisbarras sen problemas para atopar locais de ensaio

XURXO SOUTO 12/01/2007

Cando recibín a maqueta dos Trasnos de Moscoso, rap que pisa bosta -da mesma ringleira regueifeira e parrafeadora que Nonresidentz ou as Garotas da Ribeira- a primeira cuestión era saber onde quedaba o propio Moscoso. Nunha posición claramente egocéntrica - propia da cultura hip hop - os Trasnos estes non se molestaban nin pouco nin moito en situar a súa aldea. Resultou que está por Redondela, pero tirando cara o monte. Para gravar tiveron que cruzar a serra, léase ir a Soutomaior. Belo castelo medieval, escenario preferido das fotos dos casamentos, e un lugar no que ademais bouran neste momento dez conxuntos de todos os estilos.

Atención crítica especializada (onde a houber). Definitivamente cómpre ampliar o espazo das músicas emerxentes en Galiza.

"Ordes é unha bofetada aos circuítos das grandes cidades: Santiago, Vigo e A Coruña", Matías, vocalista dos Gin Tonics, dixit. E abofé que impresiona o dinamismo sonoro desta vila. Acarón dos Gin Tonics, Kastoma, apócope de "Que queres tomar?", creadores do cd Mestres de pesadelos, clásico do rock obreiro. De alí parten as experiencias do Chícharo Psicótico. E en Ordes ten epicentro o colectivo pangalaico Dios Ke Te Crew, autores dun disco dobremente seminal, Xénese.

Ata as salas da vila acoden a tocar decote os roqueiros da montaña -así lle din ao temperamento heavy de Ith, da parte de Boimorto- e a canteira continua de grupos de Cerceda: do rap metal de Machina e Presencia 0, ata a distorsión clásica de Zenzar, vinte anos na ruta e un novo disco prodixioso: Sigue e dálle!

A aldea, espazo fecundo. Desaparece, de entrada, o problema primeiro dos conxuntos urbanícolas: atopar local. Son do Galpón, composteláns pero de aldea, co seu propio nome dan resposta a cuestión. Un elo máis dunha longa tradición de pendellos, cortes e casas vellas invadidas polos amplificadores, de onde saíron Rastreros, Ruxe-Ruxe, ou Skornabois. Os Cuchufellos de Manzaneda baixaron a Ponferrada e nunha noite gravaron o seu primeiro disco. Dez músicos, fillos directos de Gwendal e dos Papaqueixos. Asombra tanto virtuoso naqueles outeiros. Un deles é alemán e outro -isto si que é cosmopolitismo da montaña - polaco!

Do outeiro ao océano, porque na propia Ribeira cómpre destacar outro fenómeno psicófónico emerxente. A Compañía do Ruído, cun primeiro disco testemuño do seu labor: moitos instrumentos para un estilo igualmente extenso, entre balcánico e tropical. Unha sección deles, Os Chiquilicuatres, acaban de retornar dunha xira tasqueira por Escocia, Irlanda e... Guadalajara.

Sigamos co galpón e a alta tecnoloxía. O órgano crea a necesidade. Petetas, guitarra e voz de Tiro na Testa, montou un estudo na aldea, Donramiro, e todo o país do Deza se inzou de novos conxuntos. Ademais da última obra do seu grupo, o libro-disco Agüécate el pelícano, de Donramiro saíu a maqueta de Motor Perkins, máquina neofolki, e Skarmento, a última fornada punki da volta, que, por certo, hai pouco andou de xira por bares rabudos do sur de Francia. A día de hoxe creo que non hai bisbarra sen estudo. Mesmo un deles é meca de peregrinaxe para as vangardas do Mediterráneo. Falo do Abrigueiro, a factoría de Humanoid, gurú da música electrónica, que atrae ata Friol -mesmo neste tempo de xiadas- ás mentes máis preclaras do dance de Barcelona.

Pero é que co poder das novas máquinas -esas que deixaron obsoletos soportes e discográficas- se che proe a música dunha idea, nin sequera precisas estudio de gravación. Velaí o Projecto Mourente. Armou o disco todo, Baixo os eucaliptos, no ordenador da casa, no propio Mourente, en Pontevedra, e acadou difusión pangalaica a través da Regueifa Plataformas e do Apologhit, primeira lista da canción do verán en vernáculo, do programa Extrarradio da Radio Galega. Vilanova de Lourenzá, a carón das fabas, agora acada sona con Zimmer 103, un francotirador sonoro que afirma que as súas referencias musicais son cada día menos musicais. En Ribadavia están os Apeiron de Francelos. Hai uns anos colgaron na rede melodías gravadas con tapas de botes e, de alí a un pouco, foron reclamados para actuar no Xapón. Non poideron ir, eran moi novos, aínda estaban no instituto.

Que ninguén se sinta marxinado, na cidade seguen bourando as guitarras, e seguen bourando en galego. Aquí cómpre reivindicar tamén o orgullo de barrio. Falo de The Homens, tres do Castiñeiriño, en Compostela, un arrabalde tan intenso que ata ten festival propio, o Rock in costa. Os The Homens no 2006 foron quen de editar un disco, consolidar un estilo, o power pop, e actuar con constancia en Portugal.

Tras da apoteose ourensá de Lamatumbá, o selo Falcatruada anuncia o futuro en forma de disco: Loretta Martin, funki coruñés -outra mostra da falta de prexuizos destes tempos- disposto a enguedellarnos na súa consigna: Fai funki meu!

http://www.elpais.com/articulo/Galicia/Os/emerxentes/bouran/alto/elpepiautgal/20070112elpgal_16/Tes

OS GIN-TONICS e MALA CHISPA T.C.

2006-12-29T09:09:00.001Z

Hoxe 29 Nadal 2006, na sala NUNCA MAIS no Balado, actuación estelar dos grupos OS GIN-TONICS e MALA CHISPA T.C. de Ordes-Oroso-Negreira, para despedi-lo 2006 con versions dos sesenta, setenta, oitenta e noventa de rocanrol. A entrada é de balde. Asique se vos presta, vémonos alí pola noite.

MELLOR SEN MESTURAR

2006-12-20T17:01:00.000Z

Era mellor non mesturar o futbol coa música a música coa política e a política co fútbol, pero corren tempos difíciles e o que prima ante todo é Galicia, despois o deporte e para rematar a festa e se alguén ainda segue con forzas que se dedique á política pero sen mesturar uns cos outros. Cada cousa no seu sitio e o can no palleiro. Quen queira escoitar música en galego será porque lle apetece, e quen foi ó concerto de Meu, Backyard Babies e Siniestro será porque tamén lle prestou. Foi unha mágoa que non houbera música cantada en galego, pero seguro que haberá máis días para reinvindicar concertos en galego. Tamén é certo que non só por cantar nun idioma ou noutro se ian a ter máis preferencias, o que ten que primar é a calidade musical por riba de todo, pero o que sí é verdade e que a música cantada en galego estivo moito tempo no segundo plano e agora vai sendo hora de sacala "fora do roupeiro". Asique o próximo concerto queremos ver música cantada en galego.

ATENCION QUE KASTOMA ARRANCA PÓ ORIENTE

2006-12-15T14:09:00.000Z

NOVO VIDEO DE KASTOMA

VINIT-KASTOMA

ver video KASTOMA

Parece incríble, pero saíunos un competidor, ou un fan, ¿qué será? non tiñamos coñecemento del ata agora, non sabemos aínda se é exipcio, turco ou de coristanco con tódolos respetos, pero hai que recoñecer, e rendirse se fai falla á evidencia de que ten a mais xente que lle fai caso. ¿Será porque non canta en galego, ou será porque é mais juapo ca soneira? Ala..! ímonos a irmandarnos con il a ver se nos busca algun bolo por Siria, Afganistán a India...

SEGUIMOS DE XIRA

2006-11-17T15:51:00.000Z

kastom�

17 e 18 novembro 2006.

Iso é, este fin de semá ímonos de xira por Boiro o venres e por Ourense o sábado, alugamos unha furgo e ¡¡¡...VEÑA, DALLE JAS...!!! . Ahí quedan os letreiros:

18 NOVEMBRO SABADO, KASTOMÄ EN OURENSE

2006-11-09T14:52:00.000Z

O 18 NOVEMBRO TOCAMOS NA ZONA DO CAMPUS UNIVERSITARIO EN OURENSE, ESTAREMOS COS ZENZAR E AS GRESCAS, SERÁ UNHA AGRADABLE SORPRESA O VERVOS POLA TERRA DA CHISPA.

CERVEXERÍA DELITO MESON DO VENTO

2006-11-09T14:28:00.000Z

VENRES 10 NOVEMBRO TOCAMOS NA DELITO, O MESÓN DE VENTO, ORDES. SERÁ O PENÚLTIMO CONCERTO DO LOCAL POSTO QUE EN BREVES VAI PECHA-LA CANCELA.

UNHA MÁGOA PORQUE POR ALÍ PASARON GRUPAZOS COMA OS GIN TONICS, MALA CHISPA, PRESENZIA ZERO, ZENZAR, 69 GRADOS, KASTOMA 2 VECES (GE, GE) E UN LONGO ETCÉTERA DE BORRACH@S E NON TANTO.
DESPEDÍMOSNOS LOGO DA CERVEXERÍA, PERO NO RECORDO SEMPRE NOS QUEDARÁ O BEN QUE O PASAMOS ALÍ, NA COMPAÑA DOS VECIÑOS DO MESÓN DO VENTO E DA XENTE QUE TRABALLA NA MINA E SE PASABA POR ALÍ A TOMA-LOS CHOIOS.
DESCANSA COMO POIDAS, CERVEXERÍA, QUE "TUS AMIGOS NO TE OLVIDAN".

VÉMONOS NA DELITO O VENRES 10 NOVEMBRO 2006.
P.D.:
E O SÁBADO 11, HABERÁ FESTA DENDE AS 20:30 CON 5 GRUPOS DA ZONA DE CARRAL-CERCEDA PARA DARLLE O FIN DE FESTA MERECIDO A ESTE LOCAL.

ABUR.

PENÚLTIMO CONCERTO

2006-11-09T14:26:00.000Z

DESORDES ROCK 06

2006-10-14T14:30:00.000Z

O 11 de Outubro 2006 celebrouse en Ordes a 1ª edición do festival DESORDES ROCK, que contou coa participación do grupo madrileño BOIKOT así como de ZËNZAR, KONFLIKTO, HAIKU E KASTOMÄ. Houbo xente dabondo e festa ata as 5 da mañá.

Tamén houbo xente que dixo que non se enterara pero, tamén é verdade que houbo outra tanta que nin se quixo enterar porque levamos unha temporada, moi longa que xa nin me lembro cando empezou a contar, na que a xente non se involucra ca actividade musical e ás veces comentan que sempre estamos os mesmos tocando e os mesmos escoitando, pero e que a realidade e que se pretendemos facer un festival con artistas de renome primeiro hai que ter financiación e senón hai que empezar por traer ós grupos que coma nos imos desinteresadamente coma nesta ocasión e moi agradecidos de tocar no mismo cartel que Boikot, Zenzar, konflikto e haiku. Queda dito. ÁNIMO Á ORGANIZACIÓN, Doxe nun ano…!

III Meigas Fora POULO 06

2006-10-14T11:19:00.000Z

Choveu por dentro e por fora en O III Festival de Poulo Meigas Fora 06. Todo hai que decilo, a da organización botáronlle peito a pesar da choiva e pa diante meu, a xente respondeu axeitadamente, como era de esperar e montouse festa coma nas duas anteriores edicións pero esta tiña algo en particular que a facía diferente: a choiva.

A choiva regou o campo da festa de diante atrás e non respetou ó primeiro grupo Suite-fala, que o fixeron francamente ben en contra de vento e marea, nunca mellor dito, e amainou despois para presenciar as actuación de Machina e Brétema:

Para darlles paso a Kastomä:

Que fixe

mos o noso repertorio con temas propios e versions brincamos un pouco polo palco e mira...!

2006-09-09T07:13:00.000Z

Pode ser algo abstracto, pode tamén ser unha maneira de ofrecervos un vaso, e tamén, e de certo así é, KASTOMÄ, un grupo de rock en galego de Ordes, formado no ano 2000 por Soneira, Oscar, Xurxo, David e Sito co afán de satisfacer un fortísimo desexo: poder tocar en directo.

Con influenzas do rock nacional ( Boikot, Reincidentes, Barricada, entre outros ) e coa mente posta nos concertos, ensaiamos ó sair de traballar, no tempo libre que ben aproveitamos cunha aficción ruidosa pero entretida. Desde o ano 2000, tocando por garitos e festivais galegos, e agardamos que sexan moitos mais e que vos o vexades.

KASTOMÄ é un apócope frase ¿qué queres tomar ? orixinaria da zona de Santa Comba, frase que dí moito da cultura etílica que se apalpa polas terras de Ordes, donde vivimos, con locais de reegeton e triunfitos que malamente lle deixan oco ó Rocanrol, xente nova que ainda pensa coma os de antes, teñen que vir coas suas melodías de Madrid para sacarnos da casa a tomar unhas copas ¡ qué ridículo !.

As que cosemos pá fábrica, os que cortamos a erba para o gando, os que tecleamos diante dun ordenador, os que facemos as fotocopias, os que compramos unha vivenda, todos imos guiadiños coma marionetas cara o mesmo buraco, ¡¡¡ vivan as multinacionais !!! que nos teñenen afeitos ás suas cancións, e despois “todos somos solidarios…”, pero coma ben decía o tio Marcos da Portela, senon hai pan veña viño, xa que nonos queren, mellor solos, e a poder ser, ben lonxe deses locais “chunda, chunda” que programan actuacións só para cando non teñen a ninguén no bar, locales que non teñen clientela de rocanrol e pretenden que lle levemos nós ós nosos colegas para facerlle caixa, ¡ home, por favor ! un pouco de dignidade que nadie se fai a facer nin mais rico nin mais pobre por 150€ de caché, e coma non está o alcacén pa jaitas, moitas veces temos que tragar con todo só para facer algo que che gusta e iso podémolo aturar no traballo pero se podemos evitalo nos concertos moito mellor.

Ahí queda a nosa protesta e ímonos ó allo porque “… yo he venido aquí a hablar de mi libro…” e chámase MESTRE DE PESADELOS, maketa autoproducida e grabada en estudio, levounos moito tempo sacala por motivos de traballo dos componentes, pero a próxima prometemos que irá máis rápida porque para daquela xa seremos famosos e poderemos decir iso de que vivimos da música, (qué bonito soño).

As nosa cancións espállanse nos seguintes traballos publicados ata agora:

Incluímos dous temas no traballo MIXTURA (2000) de grupos da zona de Ordes –Cerceda.
A nosa primeira maqueta en estudio data do ano 2000 foi TOMÁMOSLLE OUTRA…? con 600 copias editadas, con temas que falan sore o cotilleo da xente nos bares, temas outros como as lendas galegas contadas ó redor do lume e como non algunha que outra salpicadura como mostra da nosas inquedanzas da vida cotiá. Foi esta primeira maqueta un man a man entre témpano e fígado, un pulso entre watios e garrafón; e como diría o outro: “a mesa está servida, e de postre…¿ Tomámoslle outra…?
Despois co asunto do “BARCO” tamén grabamos un tema incluído nun disco editado por Amelga (asociación de músicos en galego) en protesta da marea negra, disco titulado “CON DIGNIDADE” do cal se distribuiron 2000 copias.
Para 2004 SONS GALICIA editounos 2 temas nun disco de grupos universitarios en galego froito dun concurso do que fomos finalistas.
Disco recopilatorio de varios grupos galegos publicado por Galiza Nova 2006(Ourense)
Nestes intres estamos a presentar un novo traballo en estudio: MESTRES DE PESADELOS, autoproducido e autoxestionado, grabado o verán 2005 en ESTUDIOS BOMHAN, A Coruña. Editado por Falcatruada e diseñado por Mosca e Araña 2005.

Contén temas que tratan a explotación laboral dos nenos, da baixada de pantalóns que ten que soportar os empregados para chegar a fin de mes, da mala vida que levan uns e da boa vida que levan os outros, que ben poderíamos resumir nun poema de Celso Emilio Ferreiro ó que lle facemos a nosa pequena homenaxe no tema de NON ( musica de Hellacopters letra de C.E.Ferreiro), como tamén quixemos ter presente “…á aqueles que perderon a guerra e se botaron ó monte ó ter a morte rondando moi cerca…” trátase dos FOUCELLAS.

Este último traballo é froito do asentamento do grupo nas ideas que nos ocupan e preocupan a tal hora, e agardando que para un futuro sexan máis ledas, despedímonos dando as gracias a tódolos que colaborades con KASTOMÄ, asi e todo, como se dí por Ordes: VÉMONOS, E SENON APALPÁMONOS.

Adeus.

Actuacións:

II Festa da mocidade en Ordes

Festival de Cerdeda

Festival Rock Tordoia

Concertos na “Zona Vella” en Ordes

Asociación Xuvenil “A Ruta” en Cambre

Funktastic Club en Ordes (2 veces)

Siroco no Mesón do Vento

Gatos en Melide

Sala Nasa en Compostela

Badulake Rock en Ordes

Centro Hipico Xaquín- Deixebre

O´ 600 en Laracha.

Dark knight -Coruña

Gham –Lugo

Festa da Asociación Cultural de Paderne- Betanzos

Penateixa-Sigüeiro

Pub Rodas –Malpica

Pub Boxes - Cerceda

Pub Sodoma- Malpica

Festival Colectivo Contra Marea-Ordes

Pub O Conxuro – Carral

Cervexeria Delito – Mesón do Vento.

O Nunca Mais – Ordes.

O Anden – Cambre.

O Gatos – Melide.

Festival Meigas Fora – Poulo, Ordes- setembro 2005-2006.

Discoteca Medieval – cerceda, Setembro 2006

Pza Toural – Compostela.

Praza dos Bombeiros- maio2006

Parque de Belvis -xullo 2006

Participación no II Concurso De Grupos Noveis en Vilagarcia de Arousa chegando a semifináis. Final ganada por Stay Pretty.

II Rock Ordes Festival tocando cos Konflikto, Emacaos e os Mojinos Escocios. Ano 2002.

Participación no concurso patrocinado pola Universidade, Concellos e Sons Galicia de Lugo, chegando a final que gañou Rever.

III Rock Ordes Festival tocando cos Mallory, e Loquillo y Los Trogloditas. Ano 2003.

V Rock Ordes Festival tocando cos The majestics e Deluxe. Ano 2005.

Quedamos para outra ocasión, que será cando vos queirades e… Tomámoslle outra, que non deixe pesadelos.

Podedes contactar con nos en:

kastoma@hotmail.com

E tamen nos telefonos:

SITO: 626 847 001;

DAVID: 615 693 049

MOITAS GRACIAS, E UNHA APERTA.